Sistemi arsimor është një ndër shtyllat kryesore mbi të cilën mbështetet zhvillimi, prandaj fokus i veçantë i duhet kushtuar përditësimit të sistemeve arsimore, metodologjisë së mësimdhënies si dhe relevancës së lëndëve mësimore.
Pandemia e COVID-19 e ka krijuar nevojën për ndryshime rrënjësore në shumë fusha të jetës sonë, me theks të veçantë në transformimin dixhital të veprimtarive. Ky revolucion teknologjik që po e përjetojmë tani e ka ndikuar edhe arsimimin i cili tani po kryhet nga distanca.
Në lidhje me këtë temë Oda Ekonomike Amerikane në Kosovë e ka organizuar një forum, në të cilin panelistët Venera Llunji (Prorektore në Kolegjin AAB) dhe Brian Kissman, (Drejtor i American School of Kosova) folën më shumë për inovacionin në proceset e mësimdhënies dhe sektorit të arsimit në përgjithësi si dhe për sfidat aktuale në arsim.
Të gjithë të interesuarit mund ta shohin këtë diskutim këtu.