TEKNIKA E FEYNMAN PËR TË MËSUAR – KATËR HAPA TË THJESHTË
Kur bëhet fjalë për të mësuarit në momentet kur iu bie përqendrimi apo dëshira për të mësuar apo mbase kur e hasni ndonjë koncept të vështirë për ta kuptuar, mbase është koha që të praktikoni Teknikën e Feynman për të mësuar. Ky është një model metal, të cilin e ka shpikuar fituesi i Çmimit Nobel për Fizikë Richard Feynman, i cili përpos si shkencëtar i jashtëzakonshëm, njihet edhe si “Shpjegues i Shkëlqyer”.
Teknika e të mësuarit
Teknika e Feynman për të mësuar është prezantuar nga James Gleick në veprën e tij biografike “Gjeniu: Jeta dhe Shkenca e Richard Feynman”. Aty autori e shpjegon metodën, gjegjësisht mënyrat në të cilat Feynman i ka përgatitur provimet e tij në Universitetin e Princeton.
Në fakt, Feynman i ka riorganizuar njohuritë e tij. Ai ka punuar me javë të tëra në ndarjen e secilës degë të fizikës dhe gjatë tërë kohës i ka kushtuar vëmendje mospërputhjeve. Ai është mundura që të gjejë thelbin e secilit subjekt. Mirëpo, ky është vetëm hapi i parë.
Hapat e Feynman
- Në një letër shkruajeni emrin e konceptit që dëshironi ta zotëroni dhe më pas shkruajeni çdo gjë që e dini për atë temë. Mos harroni, ndonëse teknika e ka emrin e një fizikani ajo mund të përdoret në çdo fushë të studimit.
- Shpjegojeni konceptin me fjalët e juaja, ashtu siç do t’ia shpjegonit dikujt tjetër. Përqendrohuni në përdorimin e gjuhës dhe termave sa më të thjeshta. Mos e kufizoni shpjegimin tuaj në një përkufizim të thjeshtë apo pasqyrë të përgjithshme; sfidojeni veten që të përdorni nja apo dy shembuj për t’u siguruar se koncepti i juaj është funksional.
- Rishikojeni shpjegimin tuaj dhe identifikoni pjesët ku nuk keni ditur diçka ose ku keni menduar se shpjegimi i juaj është i paqartë. Sapo t’i keni përcaktuar ato kthejuni leximit të materialeve burimore, librave, shënimeve apo shembujve që mund t’i gjeni për ta plotësuar të kuptuarit tuaj.
- Nëse ndonjë prej pjesëve në shpjegimin tuaj përmban shumë terma teknike apo gjuhë komplekse, sfidojeni veten që t’i rishkruani këto pjesë në mënyrë më të thjeshtë. Sigurohuni që shpjegimi i juaj të mund të kuptohet nga dikush që nuk i zotëron dijet bazë të cilat besoni se i zotëroni ju vetë.
Kështu pra, me zbatimin e këtyre katër hapave të thjeshtë ju do të filloni të mësoni përmes Teknikës së Feynman, e cila është një metodë e përsosur për të përthithur informacione të reja dhe për t’i kuptuar më mirë të dhënat e vjetra.
