TV SERITË MË TË MIRA PËR ADOLESHENTË QË MUND TË SHIKOHEN NË NETFLIX
Një nga aspektet negative të pandemisë COVID-19 është se nuk mund të shkoni jashtë dhe të takoni miqtë tuaj. Por e mira e kësaj situate është se ju keni më shumë kohë për të kaluar në shtëpi. Kjo do të thotë më shumë kohë për të mësuar, për familjen tuaj dhe pse jo edhe për të shikuar programe televizive me vëllezërit ose motrat tuaja. Për t’ju ndihmuar të filloni, ne kemi përgatitur një listë të shkurtër të disa prej programeve më të mira televizive për adoleshentët që mund t’i gjeni në Netflix.
ATYPICAL (2017- )
Rrjeti TV: Netflix
Data e premierës: 11 gusht 2017
Zhanri: Dramë
Krijuesit: Robia Rashid, Seth Gordon
Rolet: Keir Gilchrist, Jennifer Jason Leigh, Michael Rapaport
Atypical është historia e pjekurisë së Sam (luajtur nga Keir Gilchrist), një 18-vjeçar në spektrin autist ndërsa ai është në kërkim të dashurisë dhe pavarësisë. Përderisa Sam është në udhëtimin e tij qesharak por, emocional të vetë-zbulimit, pjesa tjetër e familjes së tij duhet të përballen me ndryshimin në jetën e tyre, pasi të gjithë luftojnë me temën qendrore: çfarë do të thotë në të vërtetë të jesh normal?
DERRY GIRLS (2018- )
Rrjeti TV: Channel 4
Zhanri: Komedi
Krijuesi: Lisa McGee
Rolet: Nicola Coughlan, Louisa Harland, Kathy Kiera Clarke
Programet për adoleshentët shpesh janë gazmore, por pak janë aq histerike sa Derry Girls. Bashkëprodhimi i Channel 4/Netflix për nxënëset e shkollave katolike në vitet ‘90-ta në fundin e Problemeve të Irlandës Veriore, ka të bëjë me problemet e tyre, të pashteruara të adoleshencës që janë tejet qesharake. Tërë grupi i aktoreve dhe sjelljet e tyre të çuditshme janë gati perfekte; pasi t’i shikoni disa episode një pas një, ju nuk do të keni nevojë për asnjë ekip tjetër imagjinar për t’u relaksuar.
CHILLING ADVENTURES OF SABRINA (2018- )
Rrjeti TV: Netflix
Data e premierës: 26 tetor 2018
Rolet: Kiernan Shipka, Miranda Otto, Chance Perdomo
Sabrina Spellman është një vajzë tipike adoleshente, përveç faktit që ajo është edhe një gjysmë shtrigë dhe jeton në një shtëpi të mbinatyrshme me dy hallat e saj shtriga dhe kushëririn e saj magjistar. Heroina, e luajtur nga dinamikja Kiernan Shipka, duhet të gjejë pozitën e saj si në botën njerëzore ashtu edhe në botën e saj të re të magjisë: pasi të mbush 16 vjeç, ajo duhet të zgjedhë nëse duhet ta nënshkruajë apo jo emrin e saj në Librin e Bishës dhe mbi Zotin e Errët, i cili, pa dijeninë e saj, e sheh shtrigën e re gjithnjë e më të fuqishme si anijen e përsosur për qëllimet e tij më të këqija.
TROLLHUNTERS
Rrjeti TV: Netflix
Data e premierës: 23 dhjetor 2016
Zhanri: Animacion
Krijuesi: Guillermo del Toro
Rolet: Kelsey Grammer, Ron Perlman, Steven Yeun
Një djalosh adoleshent e zbulon një luftë në mes të dy grupeve të kukudhëve nën qytetin e tij të lindjes dhe fillon një aventurë pasi gjen një hajmali mistike.
