Planeti ynë është plot me kontraste klimatike. Ndërsa disa shijojnë diell të këndshëm dhe fllade të lehta, të tjerët përballen me stuhi dëbore, shira tropikale ose nxehtësi të shkretëtirës. Moti njëkohësisht mund të jetë një mrekulli dhe një sfidë, gjersa në vendet në vijim ai tregon anën e tij më të pazakontë…
ISLANDA – VENDI KU VERA DHE DIMRI TAKOHEN NË TË NJËJTËN DITË
Në Islandë, moti ndryshon nga një minutë në tjetrin. Brenda një dite mund të përjetoni borë, shi, diell dhe erë. Rryma e Gjirit dhe afërsia e Arktikut krijojnë një klimë të paqëndrueshme, kështu që vendasit bëjnë shaka se “nëse nuk ju pëlqen moti, prisni pesë minuta”. Gjatë verës dielli pothuajse kurrë nuk perëndon, ndërsa gjatë dimrit mbizotëron nata e gjatë polare.
KUVAJTI – REKORDET E NXEHTËSISË
Kuvajti është një nga vendet më të nxehta në botë. Gjatë muajve korrik dhe gusht, temperaturat kalojnë 50°C, gjersa netët janë pothuajse po aq të nxehta. Shiu bie vetëm disa herë në vit, kështu që erërat e shkretëtirës shpesh sjellin re pluhuri. Kjo është arsyeja pse të gjitha hapësirat, nga shtëpitë te autobusët, janë të klimatizuara. Jeta atje zhvillohet nën diell, i cili nuk lejon të qëndrosh nën të.
SHTETET E BASHKUARA TË AMERIKËS – VENDI I TORNADOVE DHE KONTRASTEVE KLIMATIKE
Nga stuhitë e akullit në veri e deri tek uraganet tropikale në jug, SHBA-ja ka të gjitha llojet e fenomeneve të motit. Më i famshmi është “Tornado Alley”, ku qindra tornado shfaqen çdo vit dhe mund të rrafshojnë vendbanime të tëra. Ndërsa në Teksas shkrihen nga nxehtësia, në Alaskë temperaturat bien në -40°C. Alaska është një vend ku moti i tregon të gjitha fytyrat e tij.
INDIA – VENDI I MONSUNEVE
Në Indi, monsunet (stinë me shira) përcaktojnë ritmin e jetës. Nga qershori deri në shtator qielli hapet dhe sjell sasi të mëdha shiu. Deri në 12.000 mm në vit bien në Cherrapundji. Monsunet janë thelbësore për bujqësinë, por ato gjithashtu mund të shkaktojnë përmbytje ose vërshime shkatërruese. Është interesante që njerëzit mezi presin pikat e para të shiut, sepse kjo do të thotë se stina e jetës po vjen.
ARGJENTINA – KATËR STINË NË NJË DITË
Në Buenos Aires, është shumë e zakontë që mëngjesi të jetë pranverë, mesdita e nxehtë, pasditja me stuhi dhe mbrëmja e ftohtë. Për shkak të shtrirjes së madhe të vendit, nga veriu tropikal deri në Patagoninë e akullt, Argjentina ka dallime të mëdha klimatike. Banorët thonë se nuk e dinë kurrë si të vishen, sepse motit i pëlqen të bëjë befasi.
NORVEGJIA – VENDI PA NATË (DHE PA DITË)
Në veri të Norvegjisë, gjatë verës, dielli nuk perëndon për muaj të tërë, është një ditë polare. Megjithatë, gjatë dimrit vjen nata polare, kur errësira zgjat me javë të tëra. Edhe pse duket e zymtë, norvegjezët kanë mësuar të gjejnë bukuri në atë errësirë, duke parë brezat magjikë të gjelbër të aurorës boreale në qiell.
KILI – MIDIS ZJARRIT DHE AKULLIT
Kili shtrihet përgjatë bregdetit të Paqësorit për afro 4,300 kilometra dhe ka gjithçka, nga shkretëtira e Atakamës, ku nuk ka rënë shi për dekada, deri te akullnajat në jug. Vendi shtrihet në kufirin e pllakave tektonike, kështu që tërmetet dhe shpërthimet vullkanike janë të shpeshta. Në këtë vend, gjatë të njëjtës ditë mund të përjetoni +40°C në shkretëtirë dhe borë në majat e maleve.
AUSTRALIA – KONTINENTI I BEFASISË
Australia është një shembull i vërtetë i një klime ekstreme. Në veri të vendit mbizotëron një nxehtësi tropikale, në brendësi ka shkretëtira të thata, ndërsa jugu di të befosojë me dimra të ftohtë. Posaçërisht interesante janë stuhitë e paparashikueshme dhe pluhurat e mëdha të rërës që mbulojnë qytete të tëra. Gjithashtu, vera në Australi fillon në muajin dhjetor, krejtësisht e kundërta me pjesën tonë të botës.
Nga erërat e akullta të Siberisë deri te rërat e nxehta të Kuvajtit, moti në planetin tonë mund të jetë një mrekulli e vërtetë. Këto vende na tregojnë se sa e fuqishme dhe e paparashikueshme është natyra. Pavarësisht se ku jetojmë, moti është ai që na lidh, sepse kudo ka ditë që na befasojnë, na mahnisin ose na lënë plotësisht pa fjalë.
