24 MAJI – DITA EVROPIANE E PARQEVE

Sot është Dita Evropiane e Parqeve. Festimi i Ditës Evropiane të Parqeve, si ditë për të përkujtuar zonat e mbrojtura në mbarë Evropën filloi në vitin 1999, nga Federata EUROPARC.

EUROPARC është një rrjet për trashëgiminë natyrore dhe kulturore, i cili angazhohet për përmirësimin e menaxhimit të zonave të mbrojtura në Evropë përmes bashkëpunimit të ndërsjellë, shkëmbimit të përvojave dhe ideve.

Çdo vit, më 24 maj anëtarët e kësaj federate organizojnë aktivitete të ndryshme për të rritur vëmendjen për sa i përket rëndësisë dhe përparësive të ekzistimit të të gjitha zonave të mbrojtura. Njëherit, në këtë ditë shënohet edhe krijimi i parqeve të para kombëtare në Evropë.