Secili fis në luginën e Lumit Omo në Etiopi e ka një tipar dallues, tipari dallues i fisit Karo është arti i zbukurimit të trupit.
Ky fis i ka rreth 2.000 pjesëtarë, gjë që e bën fisin më të vogël në këtë rajon, dhe mbase edhe në tërë Etiopinë. Gjithsesi, fiset e tjera shumë më të mëdha nuk mund të krahasohen me këtë fis për sa i përket numrit të ekspertëve për vizatimin dhe zbukurimin e trupave.
Në fakt fisi Karo njihet posaçërisht për aftësinë e tyre për dizajnimin e veshjeve, gjegjësisht kostumeve të tyre. bukuria është një aspekt shumë i rëndësishëm i kulturës së fisit Karo. Madje ky aspekt është aq i rëndësishëm sa që ata janë të gatshme që të durojnë dhimbje shumë të mëdha vetëm për të qenë sa më unik.
Krahas vizatimeve dhe ngjyrosjes së trupit, anëtarët e këtij fisi qëllimisht i shkaktojnë vraga trupit të tyre dhe për këtë e kanë zhvilluar një teknikë të posaçme. Pasi që e presin lëkurën ata në plagën e tyre hedhin hi, në mënyrë që plaga të shërohet në mënyrë të çrregullt dhe në këtë mënyrë vraga që mbetet të ketë formë sa më të pazakontë.