School of the Month

IAAP “Fehmi Agani” në Klinë u ofron nxënësve më shumë se mësim teorik, duke i përgatitur me aftësi praktike për tregun e punës dhe jetën reale. Me kabinete profesionale, Qendër të Karrierës dhe projekte që nxisin përgjegjësi e solidaritet, kjo shkollë tregon se arsimi profesional mund të hapë rrugë të sigurta drejt së ardhmes.

Gjimnazi i Specializuar Matematikor dallohet për standarde të larta akademike, rezultate të shkëlqyera dhe nxënës që marrin nisma përtej klasës. Përmes projektit “Mozaiku i Kulturave”, ata tregojnë se dija, përgjegjësia sociale dhe gatishmëria për të kontribuar mund të ecin së bashku.

SHFMU “Vesel Muja” në Bresalc dëshmon se edhe një shkollë e vogël mund të arrijë rezultate të mëdha kur ka bashkëpunim të fortë mes mësimdhënësve, prindërve dhe nxënësve. Me suksese në matematikë e robotikë, staf të ri e të përkushtuar dhe objektiva të qarta për zgjerim, shkolla vazhdon të ndërtojë cilësi përtej kufizimeve të hapësirës.

SHFMU “Naim Frashëri” në Banjë dallohet për historinë e gjatë arsimore dhe për rolin aktiv të nxënësve në jetën shkollore. Nga ftesa e një nxënëseje deri te puna e Grupit Letrar, sukseset në gara dhe bashkëpunimi me prindërit, kjo shkollë tregon se nisma, kreativiteti dhe përgjegjësia mund ta udhëheqin rrugën drejt së ardhmes.

SHFMU Migjeni në Stanoc të Epërm dallon për objektin e ri modern, rezultatet e larta në Testin e Arritshmërisë dhe projektet që kanë përmirësuar mësimin e sigurinë e nxënësve. Me laboratorë, bibliotekë aktive dhe mjedis miqësor, shkolla vazhdon të ndërtojë dije dhe përgjegjësi.

SHFMU “Ditët e Minatorit” në Kishnicë bashkon historinë, komunitetin dhe arsimin modern, duke u ofruar nxënësve një mjedis ku mësojnë, rriten dhe arrijnë suksese.