DITA E TOKËS 2022

Në mbarë botën 22 prilli shënohet si Dita Tokës dhe për nder të kësaj dite organizohen manifestime dhe aktivitete të ndryshme të cilat e kanë për qëllim vetëdijesimin e njerëzve për rëndësinë e mbrojtjes së ambientit.

Motoja e Ditës së Tokës 2022 është Investo në Planetin Tonë, me qëllim të theksimit të nevojës për përshpejtimin e gjetjes së zgjidhjeve kundër ngrohjes globale, e cila cilësohet si kërcënimi numër një për jetën në Tokë.

Dita e parë e Tokës u shënua më 22 prill 1970, dhe në përgjithësi kjo ditë konsiderohet edhe si përvjetori i lindjes së lëvizjes moderne për mjedisin. Ndërsa shënimi i kësaj dite në shkallë globale filloi në vitin 1990.