Prishtina u shndërrua në kryeqytetin evropian të esporteve nga data 9 deri më 13 korrik 2025, duke e pritur Kampionatin Evropian të Esporteve me ekipe kombëtare nga e gjithë Evropa. Ky ishte eventi i parë i këtij niveli në Kosovë, duke e vendosur Kosovën në hartën ndërkombëtare të esporteve.

Me mbi 180 lojtarë dhe 3 disiplina kryesore – Counter-Strike 2 (meshkuj dhe femra) dhe Dota 2, ngjarja u zhvillua në Qendrën Sportive “1 Tetori” përpara mbi 3,500 tifozëve të zjarrtë. Fituesit e mëdhenj ishin Lituania në CS2 në kategorinë e meshkujve, e cila e mposhti Ukrainën në finale, ndërsa në kategorinë e femrave Franca e mposhti Holandën.

Eventi u shoqërua me aktivitete për tifozët, intervista live, ekspozita, dhe mbi të gjitha, ndjesinë e bashkimit dhe diversitetit në botën e esporteve.