MUSHKONJAT E ZGJEDHIN KË DO TA PICKOJNË
Çka i tërheq mushkonjat dhe pse ato i sulmojnë disa njerëz më shpesh se të tjerët? Sa të shpejta janë mushkonjat dhe sa gjatë jetojnë? Po ua prezantojmë disa fakte interesante për insektin më të padashur në botë.
- Mushkonjat njihen që nga periudha e Triasikut – para 400 milionë vjetëve.
- Deri tani janë regjistruar gjithsejtë 3.549 lloje të mushkonjave.
- Mushkonja mesatare peshon rreth 2,5 miligramë.
- Femra mesatare e mushkonjës e thith rreth 5 të miliontat të një litre të gjakut, gjatë një ushqyerje.
- Mushkonjat nuk e gjejnë ‘viktimën’ rastësisht (ato e vëzhgojnë lëvizjen) dhe i zbulojnë rrezet infra të kuqe nga trupat e ngrohtë, si dhe sinjalet kimike (mushkonjat tërhiqen nga dyoksidi i karbonit dhe acidi laktik, në mesin e disa kimikateve të tjera) në një distancë nga 25 deri në 35 metra.
- Mushkonjat radhiten në insektet më të ngadalta dhe ato fluturojnë me një shpejtësi prej 1-2,4 km/h.
- Njerëzit më të mëdhenj janë më tërheqës për mushkonjat pasi që janë shënjestra më të mëdha dhe ata prodhojnë më shumë elemente tërheqëse (dyoksid karboni dhe acid laktik).
- Disa lloje të mushkonjave tërhiqen më shumë nga veshjet me ngjyra të errëta se sa ato me ngjyra të çelura.
- Disa studime kanë treguar se lëvizja e nikoqirit të mushkonjave e rrit përqindjen e pickimeve të mushkonjave deri në 50%.
- Në një studim është dëshmuar që hëna e plotë e rrit aktivitetin e mushkonjave deri në 50%.
- Në kuadër të një studimi në Arktik, shkencëtarët i zbuluan gjokset, duart dhe këmbët dhe me këtë rast i kanë regjistruar deri në 9.000 pickime të mushkonjave për person në minutë. Me një ritëm të tillë të pickimeve, një njeri i pambrojtur do të humbte gjysmën e gjakut të tij brenda një ore.
- Frekuenca e lëvizjes së krahëve të mushkonjave është 300-600 herë në sekondë.
- Mushkonjat shkaktojnë më shumë raste të vdekjeve se sa çdo kafshë tjetër në tokë. ato janë bartëse të sëmundjeve të ndryshme, duke e përfshirë këtu edhe malarien, ethet dënga, dhe ethet e verdha të cilat transmetohen tek njerëzit gjatë ushqyerjes së mushkonjave.
- Kur femra e thith racionin e saj të gjakut, barku i saj zgjerohet dhe mund të pranojë deri në tri herë më shumë gjak se sa pesha e trupit të saj.
- Mushkonjave iu pëlqejnë më shumë njerëzit me grupin 0 të gjakut, njerëzit me temperaturë më të lartë trupore, shtatzënat dhe njerëzit me pengesa në frymëmarrje, dhe e tërë kjo për shkak se këta persona prodhojnë sasi më të larta të dyoksidit të karbonit e cila i tërheq.
- Jetëgjatësia e një mushkonje femër është nga dy javë deri në disa muaj, përderisa meshkujt jetojnë vetëm një javë.
- Mushkonjat meshkuj i lokalizojnë femrat përmes tingullit që këto të fundit e lëshojnë teksa i rrahin krahët e tyre gjatë fluturimit.