Këtë fundjavë të gjatë, teksa shumë njerëz në Kosovë dhe rajon e festuan Bajramin me familjarë e miq, sporti solli emocione të jashtëzakonshme. Nga finalja dramatike e Ligës së Kombeve mes Portugalisë dhe Spanjës, te përballjet epike në finalet e Roland Garros-it në Paris, kjo fundjavë ishte një festë e vërtetë për adhuruesit e sportit.

MUNICH, GERMANY – JUNE 08: Cristiano Ronaldo of Portugal lifts the UEFA Nations League trophy after his team’s victory in the UEFA Nations League 2025 final match between Portugal and Spain at Munich Football Arena on June 08, 2025 in Munich, Germany. (Photo by Alexander Hassenstein/Getty Images)

⚽ Finalja e Ligës së Kombeve: Portugalia shpallet kampione për herë të dytë

Në një përballje emocionuese të zhvilluar të dielën në Munich (Mynih), Portugalia dhe Spanja barazuan 2–2 pas kohës shtesë në finalen e Ligës së Kombeve. Spanja kaloi në epërsi me golin e Martin Zubimendi, por Nuno Mendes barazoi para pushimit. Më pas, Mikel Oyarzabal e riktheu epërsinë për Spanjën, por Cristiano Ronaldo e realizoi golin e 138-të me fanellën e Portugalisë, duke e barazuar sërish rezultatin.

Ndeshja u vendos me penallti, ku Portugalia fitoi me rezultat 5–3. Portieri Diogo Costa e priti penalltinë e katërt të ekzekutuar nga spanjolli Alvaro Morata, dhe më pas Rúben Neves e vulosi triumfin me goditjen e fundit. Me këtë fitore, Portugalia bëhet skuadra e parë që e fiton Ligën e Kombeve dy herë. Ronaldo e quajti këtë sukses “një detyrë të përmbushur”, ndërsa Nuno Mendes u shpall lojtari më i mirë i turneut final të Ligës së Kombeve.

🎾 Finalet e Roland Garros: Gauff dhe Alcaraz shkëlqejnë në Paris

Finalja e femrave – Gauff shkruan histori

Të shtunën, tenistja amerikane Coco Gauff e fitoi titullin e saj të parë në Roland Garros, duke e mposhtur numrin një në botë, Aryna Sabalenka, me sete: 6–7, 6–2, 6–4. Me këtë fitore, Gauff bëhet amerikanja e parë që fiton në Paris që nga Serena Williams në vitin 2015. Ajo tregoi pjekuri të jashtëzakonshme dhe forcë mendore pas humbjes së setit të parë.

Finalja e meshkujve – Alcaraz përmbys gjithçka

Të dielën, Carlos Alcaraz dhe Jannik Sinner e zhvilluan një prej ndeshjeve më të gjata në historinë e finales në French Open. Alcaraz ishte dy sete në disavantazh, por u rikthye fuqishëm, duke i shpëtuar edhe tri pikë për titull, për të fituar në fund me rezultat 4–6, 6–7(4), 6–4, 7–6(3), 7–6(10–2). Ndeshja zgjati plot 5 orë e 29 minuta dhe është finalja më e gjatë në historinë e Roland Garros. Me këtë titull, Alcaraz tashmë ka pesë Grand Slam në pesë finale të fituara.

🎉 Fundjava perfekte për të përmbyllur festën

Ndërsa përfundoi fundjava e gjatë e Bajramit, adhuruesit e sportit mbetën me zemër plot. Portugalia e Cristiano Ronaldo e ngriti një tjetër trofe ndërkombëtar, Coco Gauff tregoi se ajo wshtw e ardhmja e tenisit tw femrave, dhe Carlos Alcaraz e dëshmoi sërish se është një yll në ngritje. Me fjalw tw tjera kjo rezultoi tw ishte një fundjavë plot krenari, pasion dhe emocione të paharrueshme sportive!