NJËZET THËNIET MË TË MENÇURA TË TË GJITHA KOHËRAVE
Në këtë kohë të pandemisë së COVID-19 gjetja e frymëzimit për të menduar dhe vepruar pozitivisht është mjaft e vështirë. Prandaj, para jush e sjellim një listë me thënie frymëzuese të përgatitur nga “Higher Perspective” të titulluar: “20 thëniet më të mençura të gjitha kohërave”.
Në vijim ju ftojmë që ta lexoni këtë listë dhe mbase edhe te frymëzoheni nga këto thënie të përzgjedhura.
- Ai që nuk ka gabuar kurrë, nuk ka provuar asgjë të re – Albert Einstein
- Lavdia jonë më e madhe nuk është që të mos dështojmë kurrë, por që të ringrihemi pas çdo dështimi – Konfuci
- Nuk mund të jesh i vetmuar, nëse të pëlqen personi me të cilin je vetëm – Wayne Dyer
- Mos prano kurrë të të detyrojnë të heshtësh, mos lejo kurrë të bëhesh viktimë. Mos e prano përkufizimin e askujt për jetën tënde, përkufizoje ti vetveten – Robert Frost
- Detyra jote nuk është ta kërkosh dashurinë, por vetëm të kërkosh dhe t’i gjesh brenda vetes të gjitha pengesat që i ke ndërtuar kundër saj – Rumi
- Disa njerëz vdesin që 25 vjeç por, nuk i varrosin deri kur i mbushin 75 vjet – Benjamin Franklin
- Unë e kam zbuluar paradoksin që nëse dashuron deri sa të të dhembë, nuk mund të ketë më dhimbje, vetëm më shumë dashuri – Nënë Tereza
- Shikimi yt do të qartësohet, vetëm pasi të mund të shohësh brenda zemrës tënde. Kush sheh jashtë, ëndërron; kush sheh brenda, zgjohet – Karl Jung
- Njeriu është veçse produkt i mendimeve të tij. Ai bëhet ajo që ai mendon – Mahatma Gandhi
- Hakmarrja një sy për një sy, vetëm sa do ta verbojë tërë botën – Mahatma Gandhi
- Ajo që është mbrapa nesh dhe ajo që është përpara nesh, janë imtësi, në krahasim me atë që gjendet brenda nesh – Ralph Waldo Emerson
- Ai që e pushton vetveten është më i madh se sa ai që i pushton një mijë njerëz në betejë – Gautama Buda
- Kur rashë në pikën më të ulët e gjeta bazën e fortë mbi të cilën e rindërtova jetën time – K. Rowling
- Ajo që më ndodh mund të më ndryshojë. Por, unë refuzoj që ajo të më zvogëlojë – Maya Angelou
- Edhe ti vetë, po aq sa kushdo tjetër në tërë universin, e meriton dashurinë dhe dhembshurinë tënde – Gautama Buda
- Jeta tkurret ose zgjerohet, në përputhje me kurajën tonë – Anais Nin
- Mos shko aty ku të shpie shtegu, por shko atje ku nuk ka shteg dhe lër gjurmë – Ralph Waldo Emerson
- Jeta nuk ka të bëjë me gjetjen e vetvetes. Jeta ka të bëjë me krijimin e vetvetes – George Bernard Shaw
- Ka vetëm dy mënyra për ta jetuar jetën tënde. Njëra është sikur asgjë nuk është një mrekulli. Tjetra është sikur gjithçka është një mrekulli” – Albert Einstein
- Unë jam njeriu më i mençur në botë, sepse unë e di një gjë, dhe kjo është se unë nuk di asgjë – Sokrati
