Skela e Pallatit të Brajtonit (Brighton Palace Pier), e njohur si Skela e Brajtonit, e cila zgjatet nga plazhi me gurë i këtij qyteti jugor të dashur, është një strukturë e Periudhës Viktoriane. Ajo u ndërtua në vitet 1890 dhe qëndron ende e fortë si një prej atraksioneve më të njohura të vendit.
Dikur në të gjendej edhe një sallë e koncerteve dhe një teatër në të cilin Çarli Çaplin (Charlie Chaplin) dhe Sten Laurel (Stan Laurel) performuan në fillimet e karrierës së tyre. sot ajo është e mbushur me lodra të panaireve, video lojëra, restorante dhe bare. Njëkohësisht, kjo skele e ofron një dozë të madhe të nostalgjisë, dhe bonboneve të Brajtonit për vizitorët ditor të Brajton dhe Hove.
E klasifikuar si një ndërtesë e Shkallës së II, kjo skelë e luan një rol të rëndësishëm në ekonominë e Brajtonit, pasi aty janë të punësuar me qindra njerëz. Ajo e ka një rol kryesor edhe në kulturën britanike për dekada të tëra, duke filluar nga romani Brighton Rock i autorit Graham Green (Graham Grin) deri të filmi Quadrophenia, dhe performancat e grupit Spice Girls.
Ajo gjendet në lindje të mbetjeve të Skelës Perëndimore (West Pier), pjesë të mëdha të së cilës u shkatërruan nga zjarri dhe stuhitë në vitet 2002 dhe 2003, por të cilat ende e krijojnë një siluetë të bukur në horizont. Skela Perëndimore është një prej skelave që dikur radhiteshin në bregdetin britanik, por të cilat janë shkatërruar nga elementet natyrore përgjatë viteve.
Skela e Pallatit të Brajtonit është një nga ato që kanë mbijetuar dhe që vazhdon të tërheq plazhistët dhe vizitorët ditor që kërkojnë të shëtisin mbi ujë dhe që kërkojnë të argëtohen.