Sot Toka e ka arritur ekuinoksin e vjeshtës dhe rrjedhimisht kjo ditë është dita e parë e vjeshtës astronomike në Hemisferën e Veriut. Themi astronomike pasi që vjeshta meteorologjike ka filluar që nga 1 shtatori.
Ekuinoksi vjeshtor do të thotë që dita dhe nata janë pothuajse barabartë të gjata, mirëpo për dallim nga ekuinoksi pranveror, tani ditët do të vazhdojnë të shkurtohen deri sa të arrijmë në ditën më të shkurtër të vitit gjatë solsticit dimëror në muajin dhjetor.
Çka ndodh gjatë ekuinoksit vjeshtor?
Stinët shkaktohen nga rrotullimi i Tokës rreth Diellit si dhe luhatja e Tokës përgjatë boshtit të saj prej rreth 23,5 shkallë. Duke qenë se Toka sillet në formë të elipsës, ajo është në pikën më të afërt me Diellin në Janar dhe në pikën më të largët në korrik. Afër solsticit veror, i cili ndodh rreth 21 qershorit, kur Hemisfera e Veriut është në pozitë më të drejtpërdrejt me energjinë e diellit, gjë që shkakton ditë më të gjata dhe net më të shkurtra.
Mos harroni
Stinët janë të kundërta në mes të Hemisferës Veriore dhe asaj Jugore. Teksa ekuinoksi vjeshtor afron Hemisfera Jugore përgatitet për pranverën, zgjatjen e ditës dhe ardhjen e verës, përderisa Hemisfera Veriore shkon drejt dimrit.
