Eugène Boudin konsiderohet si një artist i madh i peizazheve, por nuk duhet harruar se veprat e tij më të njohura janë peizazhet e detit. Madje shumë prej kanavacave të tij janë të mbushura me ujë dhe qiell po aq sa edhe me tokë.
Mjeshtëria e tij në pasqyrimin e qiellit është theksuar nga piktori francez bashkëkohësi i tij Camille Corot, i cili e quajti Boudin ‘mbretin e qiejve’. Mbase praktika e Boudin që të pikturonte jashtë e ndihmoi atë që të krijonte qiej aq të mrekullueshëm – ai ishte një ndër piktorët e parë francez që veproi ashtu.
Kah fundi i shekullit të 19-të, kur filloi shitja e ngjyrave të vajit në fyshta, dhe kuti për këmbalecët (kavaleta ose kornizat për pikturim) e bëri të mundur praktikën e të pikturuarit jashtë. Rrjedhimisht Boudin kalonte shumë kohë siç thonë në frëngjisht – en plain air – ose duke pikturuar jashtë.
Piktura ‘Beaulieu: Gjiri i Forumis’ është pjesë e koleksionit të Muzeut Metropolitan të Artit në Qytetin e Nju Jorkut.
