Në një pjesë të izoluar të Shkretëtirës së Saharës, e cila njihet si Pllaja Enedi (Ennedi), ngrihet një formacion i shkëmbinjve gëlqeror i cili e ka madhësinë e Zvicrës. Për shkak të përmasave të tij, ekspertët besojnë se vetëm 25 për qind e këtij rajoni është eksploruar.
Dhjetëra mijëra vjet më parë, kjo hapësirë që sot gjendet në Çadin veriperëndimor ishte një vend shumë më i gjelbër. Një savanë e pjellore në të cilën jetonin një sërë bimësh dhe kafshësh. Me ndryshimin e klimës, erdhi edhe rëra ngjyrë portokalli e Saharës që e mbuloi tokën dhe u grumbullua rrëzë këtyre formacioneve shkëmbore.
Në Pllajën e Enedit përfshihen një mori e kolonave, harqeve, grykave dhe urave natyrale mahnitëse. Disa prej tyre kanë shërbyer edhe si kanavaca për artistët antik. Sepse, nëpër këto formacione të gurëve në këtë tokë të izoluar janë gjetur petroglife dhe piktura në gur, disa prej të cilave janë deri në 8.000 vjet të vjetra.
