Çdo pranverë, pemët e qershive në Longian (Longyan) shpërthejnë me ngjyrat e tyre, dhe një prej vendeve më të mira për të shijuar këtë mrekulli të beharit është në Parkun e Qytezës Jongfu (Yongfu).
Përmes kodrave të veshura me fushat e çajit të gjelbër dhe nën beharin e këtyre pemëve të qershive gjarpërojnë shtigje të përsosura për soditjen e peizazhit. Gjatë festivalit Qingming, çdo vit në muajin prill, këto shtigje mbushen me familje. Qingming në gjuhën kineze do të thotë “Shndritje e pastër”, ndonëse ky festival njihet edhe si Dita për Fshirjen e Varreve. Siç edhe nënkuptohet nga ky emër, kjo ditë shërben për të nderuar paraardhësit e vdekur, shpesh duke i pastruar dhe zbukuruar varret e tyre.
Solemniteti i kësaj dite balancohet nga arritja e pranverës. Kështu që festimi i Festivalit Qingming e përfshin edhe kalimin e kohës jashtë në natyrë së bashku me familjarët. Nuk është aspak për t’u habitur që Parku Longian është vendi i preferuar për ta bërë këtë.
