DITA NDËRKOMBËTARE E ZJARRFIKËSVE: NDERIME ATYRE QË KUJDESEN PËR NE!

04.05.2020

Zjarrfikësit vijnë për të ndihmuar në situata të ndryshme, mirëpo, ndihma e tyre më e madhe dhe më e rëndësishme është në rast të zjarreve. Katër maji është Dita Ndërkombëtare e zjarrfikësve. Kjo ditë ndërkombëtare ka filluar të shënohet që nga viti 1999, për nder të pesë zjarrfikësve australian, të cilët e kanë humbur jetën në krye të detyrës, në një zjarr në fund të vitit 1998 në vendin e quajtur Linton.

 

Simboli i ndërlidhur me këtë ditë është shiriti dyngjyrësh (kaltër dhe kuq). Këto ngjyra janë zgjedhur sepse ato janë simboli i zjarrit (e kuqja) dhe i ujit (e kaltra), ndërsa këto dy ngjyra njihen edhe si ngjyrat e ndihmës së shpejtë.

 

Në botë, po ashtu, nderohen zjarrfikësit në javën e parë të majit me lëshimin e sirenave të zjarrfikësve për 30 sekonda dhe më pas mbahet një minutë heshtje për zjarrfikësit që e kanë humbur jetën në luftë me zjarrin për të shpëtuar jetët e të tjerëve:

 

“Në shërbimin zjarrfikës luftojmë kundër armikut të përbashkët – zjarrit – pa marrë parasysh se nga cili vend jemi, çfarë uniforme kemi veshur apo se çfarë gjuhe flasim”.

 

Zjarrfikësit luajnë rol të veçantë edhe në shoqërinë tonë. Mjafton t’i kujtoni zjarret gjatë verës, kur ata luftojnë me orë të tëra që ato zjarre të mos përhapen dhe të mos i kërcënojnë zonat e banuara. Kushedi sa herë i keni parë kamionët e zjarrfikësve duke kaluar nëpër qytet nën oshtimën e sirenave të tyre, kurse ne timon shihe fytyrat e brengosura të cilët shpresojnë se do të arrijnë me kohë?

 

Për ta kryer punën e tyre, zjarrfikësve iu nevojiten pajisje. Shumë pajisje të tilla, ua kujtojmë, KFOR-i ua ka dhuruar stacioneve të zjarrfikësve në tërë Kosovën. Rasti i fundit ishte në fund të vitit 2019 në Mitrovicë, kur u dhuruan pajisje në vlerë prej 4.000 euro. Në këtë mënyrë, KFOR-i ka kontribuuar që zjarrfikësit të jenë edhe më të përgatitur për reagim të shpejtë.

 

Në Ditën Ndërkombëtare të Zjarrfikësve, nderohen edhe të gjithë ata që shërbejnë në shërbimet e emergjencave: ekspertëve për materie të rrezikshme, ekspertëve për parandalimin e zjarreve, zjarrfikësve me pagesë, zjarrfikësve vullnetarë të cilët luftojnë me zjarret në zonat e largëta, zjarrfikësve që manipulojnë me pajisjet e rënda, teknikëve mjekësor në shërbimet emergjente, etj.

 

Sot, në këtë kohë të pandemisë COVID-19, më shumë se kurrë më parë e kuptojmë rëndësinë e atyre që pa i marrë parasysh kushtet kujdesen për ne!

NEW MAGAZINE