E-SHKOLLORI, PLATFORMA PËR DIGJITALIZIMIN E SHKOLLAVE NË KRYEQYTET

29.04.2020

Duke filluar nga dita e Hënë (4 maj 2020) Komuna e Prishtinës do të fillojë me zbatimin e planit për digjitalizimin e shkollave në kryeqytet. Për këtë qëllim komuna e ka përgatitur platformën online e-shkollori. Nëse shkoni në adresën https://www.eshkollori.com/index, në mes të tjerash aty do të gjeni një video udhëzues se si mund të kyçeni në këtë platformë. Aktualisht, janë tri kategori në të cilat ju mund të bëheni pjesë e platformës:

 

Si staf i Shkollës;
Si prindër; dhe
Si nxënës

 

Në një sqarim në lidhje me platformën e-shkollori, të publikuar në faqen zyrtare të internetit të Komunës së Prishtinës bëhet e ditur se: “Platforma elektronike E-shkollori është e dizajnuar dhe e zhvilluar ekskluzivisht për menaxhimin dhe administrimin e institucioneve edukative dhe arsimore në Komunën e Prishtinës. Platforma ka për qëllim përkrahjen e përmirësimit dhe ngritjen e vazhdueshme të standardit të arsimit duke krijuar mundësi për gjithëpërfshirje dhe llogaridhënie të të gjitha komuniteteve që e përbëjnë sistemin edukativo-arsimor në Prishtinë.”

 

Në po këtë sqarim bëhet e ditur se në Prishtinë do të vazhdohet me mësimin në distancë dhe se komuna është duke u angazhuar që këtë mundësi t’ua ofroj të gjithë fëmijëve pa dallim, duke iu siguruar pajisjet elektronike të nevojshme, atyre që nuk i kanë.

 

Në fund të njoftimit, nga Komuna e Prishtinës i porosisin të gjithë qytetarët që të vazhdojmë të qëndrojmë në shtëpi dhe t’i zbatojmë të gjitha udhëzimet lidhur me masat mbrojtëse nga Instituti Kombëtar për Shëndet Publik.

NEW MAGAZINE