Përgjatë viteve shumë fanarë janë ndërtuar në këtë rajon, por ky fanar e zë një vend të veçantë në librat e rekordeve. Kjo kullë e gurëve gëlqeror është 15 metra e lartë dhe gjendet në majën e Gadishullit Marbëllhed (Marblehead Peninsula) të Shtetit të Ohajos (Ohio State).
Për herë të parë ky fanar u ndez në vitin 1822. Kjo e bën atë fanarin më të vjetër në përdorim të vazhdueshëm në brigjet e Liqeneve të Mëdha (Great Lakes) në Shtetet e Bashkuara të Amerikës (SHBA). Fanari i Marbëllhed është pjesë e një parku prej 3,5 hektarësh me pamje të jashtëzakonshme të Liqenit Iri (Lake Erie) dhe bregdetit të tij shkëmbor.
Ndonëse Ohajo nuk është vendi i parë që të vjen në mend kur bëhet fjalë për fanarët, ky shtet i ka rreth 20 sish, ku disa prej tyre janë aktiv dhe disa jo. Siç mund ta merrni me mend, ashtu sikurse edhe Fanari i Marbëllhed, shumica prej tyre janë të ngritur në brigjet e Liqenit Iri.
