FSHATI THURNE NË BROADS, NORFOLK

Në shikim të parë, mund të mendoni se peizazhi idilik në foton më sipër gjendet diku në Holandë. Ose mbase edhe në zonat rurale të Belgjikës. Mulliri i erës vetëm sa i ngatërron njerëzit edhe më shumë por, këto struktura nuk janë aspak të rralla në këtë zonë të Anglisë lindore. Broads, shtrihet kryesisht në Qarkun e Norfolk dhe është një sistem i rrugëve ujore, një peizazh i kanaleve, lumenjve dhe liqeneve nëpër të cilat mund të qarkullohet – ku këto liqene njihen si ‘broads’.

Deri në vitet 1960 ekspertët besonin që këto liqene ishin natyrale. Mirëpo, ato në fakt u krijuan kur gropat e gërmimeve për torfe u përmbytën nga ngritja e nivelit të detit në mesjetë. Kurse ky mulliri në fshatin Thurne, është në fakt një pompë me erë, e cila sikurse pompat e tjera në këtë rajon shërbente për të kulluar ujërat e kanaleve nga ligatinat.