Guelta është një lloj i oazës që krijohet në Shkretëtirën e Saharës nga burime nëntokësore të ujit apo edhe nga kanalet e kullimit. Një prej këtyre pellgjeve jetëdhënëse më të njohura është Guelta d’Archei, e cila gjendet në një zonë të largët të Çadit që njihet me emrin Pllaja Ennedi.
Në këtë vend të rrethuar nga shkëmbinjtë të rrëpirët e të lartë, çdo ditë tufa të deveve grumbullohen për të pushuar dhe pirë ujë. Mirëpo, nuk janë vetëm këta vizitorë këmbëgjatë që përfitojnë nga Guelta d’Archei – përreth jetojnë edhe disa banorë të përhershëm. Në fakt, ky është një prej habitateteve të fundit që ka mbetur për krokodilët e Afrikës Perëndimore, një specie kjo qëkur dikur gëlonte në tërë këtë rajon.
