Ky katund piktoresk bregdetar dikur ishte një prej porteve më të mëdha të peshkimit në Bregdetin Veri-perëndimor të Anglisë. Ky është edhe vendi ku jetoi eksploruesi i famshëm britanik Kapiteni Xhejms Kuk (Captain James Cook) gjatë adoleshencës së tij.
Me kasollet origjinale, portin e rehatshëm dhe rrugët gjarpëruese me kalldrëm, Stiuhz për një kohë të gjatë ka qenë një magnet për artistët. Në fund të shekullit të 19-të dhe në fillim të shekullit të 20-të, ky fshat historik ishte shtëpia e një komuniteti të piktorëve që njihej me emrin Grupi i Stiuhz (Staithes Group), të cilët ishin të frymëzuar nga impresionistët francez dhe peizazhi mahnitës i bregdetit të Joukshërit (Yorkshire).
Kjo koloni e artistëve punonin së bashku jashtë, ose siç njihet ndryshe në zhargonin artistik ‘en plein air’, dhe realizonin piktura me ngjyra të ujit apo të vajit. Në mesin e tyre ishin edhe artistë të njohur si Dama Laura Najt (Dame Laura Knight). Sot, Stiuhz gjendet në kuadër të Parkut Kombëtar të Kodrinave të Jorkut Verior (North York Moors National Park), i cili e mbulon një sipërfaqe prej 1435 kilometra katror.
