LUGINA E ZANËS NË GADISHULLIN TROTERNISH, NË SKOCI

Ishulli i Skaj (Skye) është ishulli më i madh dhe më verior nga ishujt e Hebrideve të Brendshme në Skoci. Ndërsa pika më veriore që mund të arrihet në Skaj është Troternish (Trotternish), një gadishull që i përmban disa prej peizazheve më spektakolare në një prej ishujve me peizazhin më mahnitës.

Përgjatë miliona vjetëve, rrëshqitjet e tokës, i kanë lëvizur formacionet masive të shkëmbinjve dhe skarpateve të bazaltit në forma të tilla, të cilat nganjëherë duken sikur kanë dalë nga përrallat. Me sa duket, ky vend ua ka dhënë këtë ndjenjë edhe atyre që e kanë emëruar këtë cep të Trotternish pasi që kjo zonë quhet ‘Fairy Glen’ që në përkthim në shqip do të thotë Lugina e Zanës. Madje edhe kodrina shkëmbore në mes të fotos më sipër e ka një emër të veçantë – Kështjella Euan (Ewan Castle) – për shkak të asaj se si duket nga distanca.