Me siguri tashmë i keni dëgjuar masat parandaluese dhe se si duhet të veproni në lidhje me korona virusin qindra herë. Sidoqoftë, serioziteti i situatës dhe fakti se këto masa janë mënyra e vetme që ju të jeni të sigurt dhe të mbroni njerëzit përreth jush – familjen, fqinjët, shokët e madje edhe të panjohurit në rrugë – kurrë nuk mund të teprohet me theksimin dhe përsëritjen e tyre. Prandaj, në vijim duam që t’ua rikujtojmë edhe njëherë se si duhet të veproni çdo ditë deri sa të ndalet përhapja e kësaj pandemie.
Pastroni duart shpesh!
Kur të kolliteni mbulojeni gojën me bërryl!
Mos e prekni fytyrën!
Qëndroni në shtëpi, nëse nuk ndjeheni mirë, thirrni: 038 200 80 800
Mbajeni distancën prej 1,5 metra!