Nëse e keni mundësinë që të largoheni nga verbimi i dritave të qytetit dhe rrugëve, në mbrëmjet e kthjellëta nëse e shikoni qiellin me vëmendje do të mund ta dalloni Mjegullnajën (Nebulën) e Orionit pa ndihmën e ndonjë teleskopi apo mjeti tjetër.
Ku gjendet Mjegullnaja e Orionit?
Për ta lokalizuar atë fillimisht duhet ta gjeni Brezin e Orionit në yjësinë e emëruar sipas gjuetarit mitik grek. Poshtë tij, do ta dalloni këtë mjegullnajë me ngjyrë të kuqe dhe të kaltër. Sigurisht, pamja e juaj nuk do të jetë po aq e qartë dhe e detajuar sikurse ajo në fotot e paraqitura këtu, pasi që këto foto janë bërë nga Teleskopi Hapësinor Habëll (Hubble), nga orbita e ulët e Tokës, por gjithsesi tani ju e dini se çka dhe ku duhet të kërkoni.
Çka është Mjegullnaja e Orionit?
Mjegullnaja e Orionit është rajoni më i afërt yll formues me planetin tonë, gjë që e shpjegon arsyen pse ajo mund të shihet me sy. Ajo është jashtëzakonisht e ndritshme, me yje të tipit O, të cilat janë më të shndritshmet dhe më të nxehtat në bërthamën e tyre.
Nga ku duhet t’i vëzhgoni yjet?
Nëse keni dëshirë që të keni pamjen më të mirë për ta parë këtë mjegullnajë dhe yjësitë e tjera të mrekullueshme, duhet të shkoni në një vend të errët, në të cilën ndërhyrja nga çfarëdo ndriçimi është minimale.
