Fjala ‘rozetë’ buron nga fjala frënge ‘rosette’ që do të thotë trëndafil i vogël, por asgjë nuk është e vogël kur bëhet fjalë për Mjegullnajën Rozeta.
Një re e gazit përplot me yje të sapoformuara, kjo mjegullnajë e ka një diametër prej 130 vite drite. Siç e kemi shpjeguar më parë një vit drite është distanca që drita e përshkon për një vit. Ose me fjalë të tjera, një vit drite është pothuajse 9 trilion kilometra, andaj pa asnjë hezitim mund të themi se këtu kemi të bëjmë me një lulëzim goxha të madh.
Hidrogjeni i jonizuar e përbën pjesën më të madhe të gazrave të kuqe që duken si spërkatje, dhe të cilat ia japin Mjegullnajës Rozeta ngjyrën dhe formën e saj të veçantë.
Ndonëse është 5000 vite drite larg Tokës, nëse ia drejtoni një palë dylbi Yjësisë Monoceros, ju do të mund ta shihni tufën e yjeve që shkëlqejnë në qendër të kësaj luleje yjore.
