PINGUINËT GENTOO

Pas Pinguinëve Perandor dhe Pinguinëve Mbretër radhiten Pinguinët Gentoo. Ata janë specia e tretë më e madhe e pinguinëve, por mos t’ju mashtrojë ky fakt pasi që edhe ata mund të rriten mbi 90 cm të gjatë.

Atë që u mungon në përmasa e kompensojnë me shpejtësi dhe zhytje në thellësi

Tipari i tyre kryesor dhe që i veçon ata nuk vërehet gjatë qëndrimit në tokë, por kur ata zhyten në ujë dhe fillojnë të notojnë. Pinguinët Gentoo kanë trupa aerodinamik dhe penda notimi të fuqishme në këmbët e tyre, të cilat i shtyjnë ata që të arrijnë shpejtësi pothuajse deri në 36 kilometra në orë. Asnjë shpend tjetër nuk mund të notojë kaq shpejtë. Ndërsa kur janë duke gjuajtur peshq apo ndonjë pre tjetër, ata mund të qëndrojnë nën ujë deri në shtatë minuta dhe të zhyten në thellësi deri në 198 metra.

Tufat e Pinguinëve Gentoo mund të hasen kudo në ishujt bregdetar të Antarktikut. Ata njihen lehtë falë ngjyrave të ndezura të sqepave dhe këmbëve të tyre, të cilat i bëjnë tepër lehtë për t’i dalluar.