Kjo ultësirë në Romë fillimisht ishte veçse një ligatinë në mes të Kodrës Kapitoline dhe Kodrës Palatine. Mirëpo, pasi u tha, kjo zonë u shndërrua në qendrën e qeverisë së Romës antike si dhe emblema arkitekturore e pushtetit të saj të jashtëzakonshëm.
Një vendtakim natyror në mes të dy vendbanimeve fillestare të ngritura në dy kodrat që e rrethojnë, pas tharjes së saj, kjo zonë u përdor fillimisht si një treg i hapur. Mirëpo, me kalimin e shekujve, udhëheqësit e ndryshëm romak e porositën ndërtimin e tempujve, sallave dhe në fund Rostrës së Re, një platformë për fjalime publike, nga e cila senatorët mund t’iu drejtoheshin politikanëve bashkëkohës si dhe publikut të gjerë.
Shumë prej ndërtesave të Forumit tashmë janë kthyer në rrënoja. Mirëpo, me sa duket, ato vetëm sa e shtojnë tërheqjen dhe kureshtjen e vizitorëve të panumërt, të cilët duan veçse të shohin se si dukej dikur vendi ku rrihte zemra e Perandorisë Romake.
