RRËNOJAT E MAJAVE NË UXMAL, MEKSIKË

Emri i këtij vendi në përkthim do të thotë “i ndërtuar tri herë”, ose “ajo që do të vijë, e ardhmja”. Sot ky vend konsiderohet si një prej shembujve më të mirë të arkitekturës para kolumbiane në botë.

Një monument që i ka bërë ballë kohës

Qyteti antik i i Uxmal, i cili gjendet në Gadishullin Yucatan në Meksikë, u themelua rreth 1500 vjet më parë nga populli maja. Madje, dikur ky ishte një prej kryeqyteteve më të fuqishme të tyre. Madhështia e tij vërehet edhe sot e kësaj dite falë strukturave monumentale të shumta që kanë mbijetuar në gjendje të mirë, kur merren parasysh shekujt që kanë kaluar.

Piramida e Magjistarit

Në foto sipër shihet pamja nga një rrugë me hark që të çon drejt Piramidës së Magjistarit, një ndërtesë gjigande. Kjo piramidë me shkallare, është e ndërtuar me kënde harkore të pazakonshme, dhe jo me kënde të drejta më të prera siç ishte zakoni arkitektural i asaj kohe.

Sipas folklorit vendas, e tërë kjo piramidë, me ndihmën e magjisë, u ndërtua brenda një nate. Përndryshe, ky është një prej Lokacioneve të Trashëgimisë Botërore të UNESCO.