SFIDA NË INSTAGRAM NË MES TË ARTIT DHE KARANTINËS

Ditët po kalojnë dhe sigurisht se jeni duke e vrarë mendjen se çka tjetër mund të bëni gjatë karantinës që mund të jetë vërtetë zbavitëse. Mësimi në distancë vazhdon, lexojmë, ushtrojmë, shikojmë TV… Në rrjetet sociale nuk ka asnjë risi, përpos ndonjë postimi simpatik tek-tuk. Ndonëse nuk është tërësisht ashtu! A keni dëgjuar për sfidën në Instagram: #TussenKunstEnQuarantaine, gjegjësisht në mes të artit dhe karantinës. Nëse jo, atëherë po ju ikën diçka shumë argëtuese!

https://www.instagram.com/tussenkunstenquarantaine/

Përdoruesit e rrjeteve sociale janë duke i ri-interpretuar kryeveprat e famshme dhe janë duke i shpërndarë këto ri-interpretime me hashtag-un e sipërpërmendur. Nëse nuk ju tingëllon shumë argëtuese, shikoni në vijim disa prej fotove të këtyre veprave të ri-interpretuara dhe do ta keni të qartë se nuk e kemi gabim!

Bëhuni pjesë edhe ju! Gjeni një vepër artistike që ju pëlqen dhe me pak kreativitet nga ana e juaj, artdashësit do të kënaqen me kopjen tuaj të pikturave të Rembrantit, Van Gogut, Klimtit, apo të autorit tuaj të preferuar!