STAMBOLLI, QYTETI QË U TAKON MACEVE PO AQ SA EDHE NJERËZVE

30.04.2020

Për shkak të korona virusit jemi të detyruar të qëndrojmë në shtëpitë tona por, si ngushëllim e kemi mundësinë që përmes Internetit të mësojmë dhe të njihemi me disa fakte të reja për qytetet dhe rajonet e ndryshme anekënd botës. Sot nga rehatia e shtëpisë suaj, me porosinë #rrinshpi, lexojeni këtë tregim për Stambollin dhe macet që jetojnë atje.

 

Stambolli është qyteti i vetëm në botë i cili u takon maceve po aq sa edhe njerëzve. Macet e kanë një vend të posaçëm në shpirtin e Stambollit.

 

Në Stamboll jetojnë rreth një milion mace dhe ato mund t’i hasni kudo. Çdo shitore, banesë, shtëpi e kanë nga një mace përpara derës. Madje edhe Aja Sofia e famshme e ka macen e vet, e cila quhet Gli. Emri i saj në përkthim do të thotë “aleanca e dashurisë”.

 

Macet e Stambollit i pushtojnë edhe përmbajtjet e romaneve të shkrimtarëve turq. Kështu nobelisiti Orhan Pamuk, duke e përshkruar qytetin dhe bashkëqytetarët, dhe pikësëpari femrat thekson: “Në fund të fundit, femra që nuk i do macet kurrë nuk do ta bëjë të lumtur një mashkull.” – Muzeu i Pafajësisë.
Prania e maceve të Stambollit është e dukshme edhe në rrjetet sociale. Faqja në Facebook “Cats of Istanbul” i ka rreth 60.000 “fansa”. Llogaria në Instagram @kedi_sahiplendirme, qëllimi i së cilës është strehimi i maceve, i numëron mbi 40.000 “followers”.

 

Ikona më e madhe e rrjeteve sociale, macja Tombili, u bë e njohur për publikun pas fotografisë që një kalimtar i rastit ia bëri asaj teksa ajo pozonte në pozitën e ulur si njeri. Në vitin 2016, pas vdekjes së maces Tombili, artisti turk Seval Şahin e punoi një statujë të maces në lagjen Kadiköy në stolin në të cilin ishte bërë fotografia.

 

Të ushqyerit e maceve është traditë në Stamboll. Macet janë mysafirë të rregullt të restoranteve, kafeneve, bareve, hoteleve, shitoreve e madje edhe qendrave tregtare. Macja është kafsha e vetme që lejohet të hyj në xhami. Në rrugët e Stambollit mund të shihen enë me ujë dhe me ushqim për macet, si dhe shtëpitë e tyre të punuara me dorë.

 

Nga tërë kjo mund të përfundojmë se për banorët e Turqisë macet janë kafshët më të çuditshme, më misterioze dhe më të dashura. I tillë është Stambolli, më i madhi në luksin, bukurinë dhe dashurinë e tij. Qyteti i lashtë, i njerëzve unik të cilët e kanë ndërtuar vetëdijen kolektive për vlerat e kësaj specie të kafshëve – mikut më dinak të njeriut – maces.

 

Shpesh ata thonë: “Ata që kujdesen për macet, me siguri kujdesen edhe për njerëzit.”

NEW MAGAZINE