Në mesin e shumë traditave të tjera, festat e fund vitit janë të njohura edhe si një periudhë e mrekullueshme për të shikuar filma. Tek e fundit, çfarë ‘arratisje’ më të mirë mund të kemi gjatë netëve të ftohta të dimrit. Kjo është arsyeja pse çdo vit Hollywood-i vjen me një sërë filmash të ri duke filluar nga romancat e festave e deri te filmat fantastiko-shkencor përplot me aksion. Në kuadër të ofertës së sivjetme i kemi përzgjedhur që t’ua prezantojmë katër kandidatë të jashtëzakonshëm, dy prej të cilëve janë vazhdime të dy filmave tejet të suksesshëm.
FALLING FOR CHRISTMAS
Zhanri: Festiv, romancë, komedi
Regjia: Janeen Damian
Aktorët: Lindsay Lohan, Chord Overstreet, Jack Wagner, George Young, Chase Ramsey, Ali Lohan
Një trashëgimtare e llastuar e hoteleve e porsafejuar e pëson një aksident gjatë skijimit. Ajo pëson amnezi dhe përfundon në kujdesin e pronarit të hijshëm dhe punëtor të kabinave me qira dhe vajzës së tij të mençur, pak ditë para Krishtlindjes.
SPIRITED
Zhanri: Festiv, mjuzikëll, komedi, fantazi
Regjia: Sean Anders
Aktorët: Will Ferrell, Ryan Reynolds, Octavia Spencer, Patrick Page, Sunita Mani, Loren G. Woods
Po, ky është një ripunim tjetër i tregimit klasik festiv të Çarls Dikens “Një Këngë Krishtlindjesh”. Vetëm se kësaj here, është Shpirti i Krishtlindjeve të së tashmes ai që e analizon jetën e tij falë një Kurrnaci (Scrooge) të posaçëm. Filmi Spirited, padyshim i ka aktorët më të famshëm nga të gjithë filmat festiv sivjet, ku Will Ferrell e luan Shpirtin e Krishtlindjeve dhe Ryan Reynolds paraqitet si mjerani që supozohet se është ai që duhet të ndryshojë.
GLASS ONION: A KNIVES OUT MYSTERY
Zhanri: Mister, Triler
Regjia: Rian Johnson
Aktorët: Daniel Craig, Edward Norton, Dave Bautista, Kate Hudson, Kathryn Hahn, Leslie Odom Jr.
Pas dinamikave familjare në filmin “Knives Out” regjisori Rian Johnson e provon veten në një mjedis të ri. Kësaj here miliarderi ekscentrik, Miles Bron (Edward Norton), e fton grupin e miqve të tij të vjetër për pushime në ishullin e tij të veçuar në Greqi (dhe atë gjatë COVID-it), ku ata duhet të zgjedhin misterin e vrasjes së tij. Sidoqoftë, loja merr një kthesë të papritur me ftesën për krye detektivin Benoit Blanc (Daniel Craig), i cili mbetet po aq brilant sa edhe i çuditshëm.
AVATAR: THE WAY OF WATER
Zhanri: Fantashkencë, Aventurë, Aksion, Fantazi
Regjia: James Cameron
Aktorët: Zoe Saldana, Sam Worthington, Sigourney Weaver, Stephen Lang, Cliff Curtis, Joel David Moore
I vendosur rreth një dekadë pas ngjarjeve të filmit të parë “Avatar”, vazhdimi “Avatar: The Way of Water” vazhdon që ta tregojë historinë e familjes Sully (Jake, Neytiri dhe fëmijëve të tyre), telashet që i përcjellin ata, gjërat që ata duhet t’i bëjnë për të mbrojtur njëri-tjetrin, betejat që duhet t’i luftojnë për të mbijetuar, dhe tragjeditë të cilave duhet t’iu bëjnë ballë.
